Fínt kjak um "Privat ella Alment" í Góðan morgun Føroyar. Tvey fólk, sum høvdu eitt sindur av ideologi við sær, men ikki ov nógv. Ískoytið frá vertinum var tó einki serligt, mest klisjéir og ja/nei spurningar, ið ikki góvu nógva upplýsing um evnið.
Og tað er at gera tað ov einfalt, sum yvirskriftin roynir, at spurningurin er um tað eina er betri enn hitt. Alt eftir hvør uppgávan er (og eina røð av øðrum viðurskiftum), er fyrimunurin størri at hava tað privat ella alment. Summar uppgávur eru betur egnaðar enn aðrar at privat taka sær av. Hetta høvdu gestirnir báðir, Eyðgunn Samuelsen og Poul Michelsen, tó tíbetur hugsað um. (Her er tilfar til fleiri bloggur, og tað fer at koma við seinni høvi.)
"Góðan morgun Føroyar" er sending, har fólk fáa tíð at kjakast uttan stress. Frálíkt. Og tiltrongd til summi komplicerað evni, sum hetta er. Tað er tí sera spell, at lætta formati opinbart ger, at verturin alt ov ofta eisini tekur lætt uppá sína uppgávu og virkar ófyrireikaður.
Ingen kommentarer:
Send en kommentar