Sider

fredag den 30. maj 2014

So korruptur er føroyskur politikkur

Tíverri er hetta ein uppdiktað endurgeving:
- Tað kann undir ongum umstøðum verða talan um, at ein samgonga og eitt landsstýri fara at býta virði fyri milliardir ímillum føroyskar reiðarar, sigur Bjørn á Heygum.
Men tað er inspirerað av veruleikanum.

Áki Bertholdsen í Miðlahúsinum hevur lurtað eftir umberingunum hjá løgmanni í útvarpinum í gjárkvøldið fyri ikki at "taka afferu," sum hann segði, og rudda upp í landsstýrinum og koyra tjóvin í Sørvági til hús. Áki hevur eisini tosað við advokatin Bjørn á Heygum um umberingarnar.
Tað hevði elvt til, at samfelagið hevði mist øgilig virðið og tí vildi løgmaður ikki útskriva nýval nú, greiddi hann frá í Kringvarpinum í gjárkvøldið.

Bjørn á Heygum sigur, at løgmaður grein í sínum máli, tí verður val útskrivað, verður landsstýrið avmarkað til at verða ein starvsstjórn.

tirsdag den 6. maj 2014

Kraddaratrýeinigheitin: Kringvarpið, Fólkafl og stórkapitalurin

Ímyndið tykkum, um hetta var satt:


Men tað er tað ikki, tí myndin er tillagað til dreymin um, at public service merkir, at rán av fólksins ogn verður framsett sum tað brotsverk tað er, eisini hóast brotsverkið verður legitimerað við, at man kallar tað politikk.

Í morgin er fundur í makrebólkinum hjá samgonguni um makrelbýtið 2014. Tað sum fer fram er í stuttum, at politiska valdið leggur ráð saman við vinnulígum valdi um, hvussu fólksins ogn kann verða rænd, og hvussu man kann sleppa væl frá tí. Og frá public service miðlastovninum verður ikki spurt, hví politikararnir eru blivnir korruptir, nei, Óluva Zachariasen í Kringvarpinum spyr Bárður Nielsen í fíggjarnevndini, hvussu nógv hann heldur avlátsgjaldið so skal vera, nú hann sigur, tað skal vera meira, enn hinir halda tað skal vera.

lørdag den 3. maj 2014

Ránsmannating

Tað ljóðar sum byrjanin til eina vittigheit: Ein tjóvur, ein politikari, ein advokat, ein revisor...

Ein tjóvur, ein korruptur politikari, og ein advokat og ein revisor, sum allir eru til fals fyri vinnulig seráhugamál skulu diskutera samfelagsmál, eg meini tað.

Lokalfelagið hjá Fólkafl í Havn skipar fyri almennum fundi um, hvussu kraddingin kann sleppa at halda fram og ránið frá Føroya fólki kann kamuflerast uppá ein nýggjan máta.

Og so siga teir, at øll eru vælkomin. Ironiin er fullkomin.

Ein dýr kanning?

Í januar 2011 visti Finanswatch at siga, at

Staten garanterede 7,5 mia. til Eik Banki kort før kollaps

Så sent som i juni måned (2010, red.) fik Eik Banki tilført supplerende kapital fra fonden for at leve op til vores aftalte krav. Men da det hele ramlede, kunne fonden jo selvfølgelig ikke hjælpe – en stor del af dens formue hvilede jo på dens beholdning af Eik Banki-aktier

Og tað gav mær høvi á kjak.org at minni á, at
Aftaná bankakreppuna fyrst í 90-unum kravdi og fekk føroyski landskassin endurgjald, tí skeivir upplýsingar vórðu komnir úr Danmark, serliga frá Danske Bank.
Aftaná Eik-kollapsið skulu føroyingar vóna, at danski statskassin ikki setir fram endurgjaldskrav móti landskassanum fyri tóma garantiið hjá Eik Grunninum sum føroyska grunnaeftirlitið góðkendi uttan at kanna grunnin nærri. Landskassin kann enda við einum endurgjaldskravi úr Danmark uppá fleiri miljardir.

Um tað eru einstakir persónar, sum skulu verjast, ella bara vanlig føroysk líkasæla við svans og korruptión, veit eg ikki, men tað er ov vánaligt, at politiska skipanin ikki megnar at fremja eina kanning av Eik Grunninum. Hinvegin kann tað kanska vísa seg, at ein slík kanning kostar nógv meira enn ta einu miljónina, sum ikki ber til at finna til at fremja kanningina.

fredag den 2. maj 2014

Kaj Leo fyri fullveldissamgongu - í princippinum

Í viðmerking til veljarakanning, sum vísir meiriluta til andstøðuna, sigur Kaj Leo við útvarpið:
Eg vil absolut mæla frá, at vit fara yvir til eina fullveldissamgongu - í løtuni.
(mín herðing)
Kaj Leo er sambandsmaður í løtuni. Myndin er frá tá Kaj Leo droymdi um loysing.

Er tað løgið, at sambandsveljarar rýma?

torsdag den 1. maj 2014

Tað sum Óluva gloymdi at spyrja

Planøkonomi heldur fram í Føroyum, hóast ferð eftir ferð vísir seg, at illa er planlagt.

Nú vil Sambfl hava hægri tilfeingisgjald, tí eftir tí gamla planinum forvinna skipini ov nógv og landskassin manglar í. Tað sigur Bárður Nielsen við Óluvu Zachariasen í útvarpinum. Sum um korruptión er í fínasta lagi, spyr Óluva, hvussu høgt tilfeingisgjaldið skal vera.

Tad sum Óluva gloymdi at spyrja Bárður um er:
  • Hvussu kann tú vita, hvat er rímiligt at gjalda fyri tilfeingið?
  • Hvussu veit tú, hvat tilfeingið er vert?

Jacob Vestergaard, landsstýrismaður í fiskivinnumálum, vil tó ikki hækka gjøldini, tí fíggjarlógin (tann gamli planurin) er samtykt. Sum um korruptión er í fínasta lagi, spyr Óluva um tilfeingisgjaldið ikki kann hækkast.

Tað sum Óluva gloymdi at spyrja Jacob um er:
  • Hvussu kann tú vita, hvørji skip fáa mest burturúr tilfeinginum?

(Hesin síðsti spurningurin eigur verða spurdur hvørja ferð miðlarnir tosa við Jacob Vestergaard.)