Av onkrari orsøk uppføra flest allir politikarir í Føroyum seg sum, at tað er teirra uppgáva at umboða reiðarastættina í politisku skipanini... Nakrir halda í góðari trúgv, at tað gagnar Føroya fólki. Men heilt nógvir í óndari trúgv lata sum um tað gagnar Føroya fólki.
Men tað ger tað ikki. Føroya fólk hevur hinvegin brúk fyri eini politiskari skipan sum umboðar Føroya fólk ímóti kradding og sum tryggjar at Føroya fólk fær sín rætta ágóða av tí gagnnýtslu sum fer fram av fólksins ogn.
Tað kom langt kjak burturúr um alment og privat og kapping og útlicitering:
Sjúrður Ejdesgaard
og minnilutin av føroysku politikarunum (C) o.l halda, at tað er so super við einum stórum vælvaksnum yvirfeitum statsaparati har man proppar fólk inn at trekkja løn - búðskaparfrøðingar incl Flóvin Eidesgaard siga, at tað er vegurin fram - segði nakar kradd?
Flóvin Eidesgaard
Sjúrður, hatta havi eg ongantíð sagt ella skrivað, og hatta meini eg heldur ikki. Eg tími nokk so illani at svara tær, tá tú er so óseriøsur.
Sjúrður Ejdesgaard
Jú, víst so fx vísti tú á við "lættari og rættari" at tað mesta av pengunum skuldi brúkas til kontrol
Flóvin Eidesgaard
Sjúrður, gita hvør hevur skrivað hetta: "eg síggi at vandi er altíð fyri, at almenni sektorurin blívur ov stórur, tí tey sum avgera støddina (politikarar) rinda ikki sjálvir, men senda rokningina víðari til núverandi skattgjaldarar ella komandi ættarlið. Hetta er nakað sum liggur í skipanini, og bara tí man -- sum eg -- gongur inn fyri einum stórum almennum sektori, skal man ikki ignorera henda vanda." (5. aug. 2011)
Flóvin Eidesgaard
Sjúrður: Í skattauppskotinum tú snakkar um, skuldu 3-4 mió brúkast til økt eftirlit. Tað sær út til at trongja til: Skylda 120 mió kr í MVG
Og ein grein aftrat: Eftirlitið sjáldan til taks
Sjúrður Ejdesgaard:
Nakrar mió her og der til blíva til nógvar Flóvin, og tí eru 8900 av 24000 alment lønt í Føroyum. Fáðir búðskaparfrøðingar vilja inná hetta og serliga ikki Hermann Oskarson.
Flóvin Eidesgaard
Tá nýggj MVG-eftirstøða uppá 20 mió legst aftrat hvørt ár, harav bara ein lítil partur kemur inn eftir trotabúgv o.a., so eru tað nakrir MVG-rindandi kappingarneytar hjá teimum sum renna undan MVG-rokningini sum eru verri stillaðir. Tað er eisini til gagns fyri vinnuna, at tað almenna brúkar neyðugu umsitingar- og eftirlitsorkuna at tryggja at landsins lógir verða fylgdar.
Eyðun Jakobsen
Sjúrður má garna umskipa hasi 8900 til at arbeiða í tí privata.
Sjúrður Ejdesgaard
Hví ikki bara at bjóða hetta út, lata kapping koma inn, so fáa vit meira fyri minni - er tað ikki marknaðarkreftir sum búðskaparfrøðingarnir eru so hugtiknir av?
Flóvin Eidesgaard
Jú endiliga, men so skal man helst byrja við tí sum man kann vænta blívur bíligari av útbjóðing.
Tað er ein orsøk, at tað serliga eru ávísar uppgávur sum tað almenna bjóðar út. Tað er har sum tað ber til at skipa ein kapping, uttan at tað at skipa fyri kappingini blívur dýrari enn tað sum sparingin er við at tann bíligasti fær uppgávuna. Útbjóðing krevur tíverri eisini umsiting sum kann tryggja, at tað fer rættvíst fram...
Kim Hansen
Sjúrður. Vit hava privata kapping á granskoðaraøkinum. Hvussu gongur?
Sjúrður Ejdesgaard
Ein spard króna er eins góð og ein vunnin, men akk her far tann framfúsna kósin hjá búðskaparfrøðingunum eitt skot fyri bógvin.
Kemur kapping ikki púrasta av sær sjálvum, akk sum við makrelinum - tað hava fleiri búðskaparfrøðingar ført fram - bara hava marknaðin nóg opnan siga teir.
Kinesarar arbeiða bíliga, tað lærdu við í sísta summar, og vit fáa sanniliga nógvar fyri tað sum Hermann Oskarson far í løn.
Hví kemur einki viðmæli frá búskaparfrøðingunum um hetta - aldri hoyrur man um slík viðmæli.
Flóvin Eidesgaard
Eg haldi ikki tú roynir at skilja, Sjúrður. Tú roynir bara at drepa kjakið. Og tað er ein øgiliga ógvuslig útmelding at siga at man aldri hoyrir ávís tilmæli.
Búskaparfrøðingar siga ikki, at kapping kemur av sær sjálvum. Og heldur ikki, at kapping uttan regulering er skilagóð í øllum førum. Og eg havi sjálvur óteljandi ferðir skrivað um akkra tað. Tann einfalda staðfestingin er, at at privat/alment er als ikki sami spurningur sum kapping ella monopol.
Púra frí kapping (tann sum kemur av sær sjálvum) í fiskivinnuni vil jú merkja, at øll sum hava hug at fiska kunnu fiska, t.e. ongin avmarking. Tað er væl ongin føroyingur sum heldur at tað er ein góð skipan, tí tá vil talan ikki vera um vinnu, men hobby, tí eingin vil forvinna nakað uppá tað.
Kinesarar kunnu søkja starv á Hagstovuni. Hagstovan kann eisini útlicitera partar av sínum arbeiði, eitt nú telduarbeiði og dataviðgerð, til bíligari útlond, t.d. India, men eg ivist í um nøkur sparing er at heinta har, tí málsligar avbjóðingar eru, sum vilja kosta nógv at handfara. Hóast talan í mestan mun er um tøl, so skal man ofta lesa tekst (á føroyskum) fyri at skilja tølini rætt, og um tann sum arbeiðir við tølunum ikki skilir tekstin, so gongur lættliga galið. Og at finna og rætta slíkar villur kostar helst meira enn nøkur sparing við partvísari útlicitering. At flyta alla Hagstovuna til Asia dugi eg ikki síggja ber til. Men tað er also ongin økonom við síni fullu fimm sum sigur, at Hagstovan ikki skal útlicitera part av sínum arbeiði til útlandið, um tað kann merkja sparingar.
Sjúrður Ejdesgaard
Barnið alment stav ER friða hjá tykkum, og hatta við málsligum avbjóðingum er jú bara enn ein undanførsla fyri tey vardu arbeiðsplássini innan tað almenna.
Sjálvandi kann ein stórur partur av slíkum gerast av øðrum enn føroyingum fyri ein nógv lægri prís, eg undrist bara á hví tit ikki eru íbirtara til slíkt kjak.
Eru almenn starvsfólk ikki bara ein útreiðsla akk sum skip til at fáa hendur á fiski?
Eyðun Jakobsen
Øll starvsfólk eru útreiðsla, bæði almenn og privat, men man vónar at fáa nakað afturfyri. So eg gangi fult inn fyri at tey almennu starvsfólkini verða uppsøgd, hvørt tað einasta eitt, tí eftirspurningurin eftir tænastunum hvørvur ikki fyri tað. Einasti munur er at vit fáa eitt annað samfelag, men har verða skúlar, sjúkrahús, vegir, lyktapelar og alt hitt.
Sjúrður Ejdesgaard
Nemlig, hví skulu almenn starvsfólk vera í einari "vardari" arbeiðsstøðu.
Sakni sannað mótvekt í kjakið frá Flóvanum m.m. - boðskapurin er so tunnur og monotonur og sera politiskur, og júst hetta undirgrevur teirra trúðvirðið og objektivitet innan búðskaparboðskapin.
Júst makrelurin er eitt gott dømið um hetta - her vera eingin atlit tikin av nøkrum handa slag, bara reinur búðskaparligt avkast, og sum HO sigur vit hava ikki brúk fyri fiskimonnum í FO. Koma vit hinvegin inná tað almenna, so far pípan eitt heilt annað ljóð, tá mugu takast atlit - tann búðskaparligi boðskapurin søkkur í havið sum steinur og eftir standur búðskaparelitan og tosar um alt annað enn búðskap.
Eyðun Jakobsen
Almenn starvsfólk eru ikki í vardari støðu uppá nakran máta. Men hvat hevur tað við skilagóða umsiting av makrelinum at gera? Hvørji atlit er tað man skal taka tá man umsitur makrel?, hvørji atlit skal man taka tá man umsitur olju?
Sjúrður Ejdesgaard
Jú víst eru tey tað, tey eiga ongan kappingarneyta av nørkum handa slag - sita í vardum básum kring landið, tó mest í Havn.
Hevur Hagstovan nógva kapping Eyðum? og soleiðis kunnu vit tikið ein stovn fyri og annan eftir, og somuleiðis fagbólkar - hava vit nógva kapping innan fx lærarayrki, er tað ikki sanniliga ein vardur arbeiðsmarknaður við tænastumonnum og you name it.
Er tað búðskaparliga rætt at fyribyrgja kapping innan tað almenna?
Eyðun Jakobsen
Tað er ikki fyribyrgt kapping innan tað almenna, dagliga bjóða fólk sína arbeiðsmegi fram og spurningurin um prís á arbeiðsmegini er til forhandlingar allatíðina. Er almenna lønin ov lág, so fer arbeiðsmegin onkra aðrastaðni at arbeiða, er hon ov høg, so bjóða ov mong seg framm og harvið lækkar lønin.
Tað er skynsom og vælvirkandi umsiting av tilfeingi. Tað sama kann ikki sigast um umsitingina av makrelinum.
Sjúrður Ejdesgaard
Hatta er í stóran mun fjas tú kemur við. Ein sera stórur partur av teimum alment løntu eru sáttmála bundin arbeiðskraft sum als ikki hevur nakað við útboð og eftirspurning at gera. Eru tað nógvir lærara og sjúkrarøktarar sum hava individuella løn?
Hví ikki bjóða Hagstovuna og aðrar stovnar út til kapping, er nakað sum er til hindurs fyri tí?
Flóvin Eidesgaard
Fakfeløgini hava samráðst um lønina vegna sínar limir. Tað er útboð og eftirspurning.
Annars havi eg einki ímóti at bjóða Hagstovuna út. Men onnur meira uppløgd dømi eru. Eg haldi sum nevnt, at man skal fyrst fremja kapping har sum kapping er lætt at regulera (ella regulering er óneyðug), og nóg mikið er at taka av.
Eyðun Jakobsen
Eg haldi ikki at Hagstovan skal bjóðast út, eg haldi hon skal lata aftur og so má marknaðurin sjálvur finna útav tí.
Flóvin Eidesgaard
Sjúrður, tað virkar sum vil tú bara siga, at um kapping skal vera í privatari vinnu, so skal tað edemi eisini vera í almenna sektorinum. Also sum um kapping er nakað ringt, sum man vil útseta onnur fyri, og um eg skal revsast, skal tú eisini. Men um man skal diskutera tað seriøst, má tú seta teg inn í mekanismurnar sum gera, at kapping ofta men ikki altíð er gagnlig...
Og tað er nakað møsn, at almenn størv eru friðað. Tú vevjur alt saman á onkran hátt, og eg ivist um eg dugi at rekja fløkjuna upp.
Tað almenna skal akkra tað sama sum tað privata effektiviserast mest møguligt. Kapping er ein máti at økja effektivitetin, men kapping hevur ikki gagnligar virknað í øllum bransjum, tað er fyrst og fremst ein spurningur um hvussu útboð og eftirspurningurin virka (ber t.d. til at hava gjøgnumskygni - tað er ikki ein sjálvfylgja) og um samanhang millum eftirspurning og betaling. Summar tænastur liggja hjá tí almenna júst tí at tað ikki riggar at hava tað á einum marknaði, ella tí úrslitið av at hava tað á einum marknaði vil vera okkurt man ikki ynskir. So tað er ofta manglandi kapping sum er ein orsøk til at tað er alment, og ikki øvugt, at alment viðførir at tað skal ikki vera kapping. (Og viðhvørt kann ein funktión vera almenn, men við útlicitering kann man skapa kapping á einum privatum marknaði, her eru góðar royndir frá t.d. flutningi sum busskoyring, tí har er talan um vældefineraðar tænastur/vørur.)
Marknaðurin fyri heilsutænastur er eitt gott dømi, sum kann illustrera minst tvær avbjóðingar:
1) Tað er ein samfelagslig avgerð, at øll skulu hava rætt til sjúkraviðgerð, óansæð teirra fíggjarorku. Harvið hevur man frákobla eftirspurning og betaling, um tað skal vera á einum marknaði, har sjúklingar eftirspyrja viðgerð, læknar levera viðgerð, og landskassin rindar, so eksploderar kostnaðurin. Tískil hevur man flutt samráðingina sum vanliga er millum keypara og seljara á marknaðinum frá at vera millum lækna og sjúkling til at vera millum læknar og fyrisitingina.
2) Vanlig fólk hava ikki innlit og førleika at meta um kvalitetin á sjúkraviðgerð og tann sjúki hevur ikki tíð at seta seg inn í latínskar læknabøkurog tí vil ein frí kapping har læknar og sjúklingar virka sum vanligur keypari og seljari ikki fungera, tí javnvágin á marknaðinum er skeiklað. Tann sjúki vil kunna yvirtalast til hvat sum helst, so leingi hann/hon eigur pengar.
Sjúrður Ejdesgaard
Ja nemliga, og hava vit ov nógvar lærara í Føroyum fer lønin so niður?
Er útboð og eftirspurningur galdandi her? nei hetta er ein lukkaður eksklusivur klubbur sum onga kapping eigur
Í fjørð summar fekk tann tímalønti føroyingurin kapping frá kinesarum við stórum vælsignilsi frá búskaparfrøðingum, har kappaðust føroyingar við +100kr/t við aðrar við 5 kr/t.
Tað almenna er nokk stórsta stuðulskipanin sum til er - vard arbeiðspláss.
Eyðun Jakobsen
Ja lønin fer niður, fakfeløgini á almenna arbeiðsmarkanðinum fingu bert 0,5% oman á lønina, meðan privatu fakfeløgini fingu yvir 2%.
Eyðun Jakobsen
Onkur kanning vísti herfyri at yvir 20% av lærarunum ikki arbeiða innan skúlayrki.
Flóvin Eidesgaard
Tað er sera óvanligt at løn fer niður yvirhøvur, og er tað ikki nakað sum er serstakt fyri alment lønt. Nominellar lønir hava tað við at vaksa meira ella minni ella standa í stað. Undantaksvís fóru alment lønt niður í løn í kreppuni fyrst í 90-unum, meðan privatar lønir stóðu í stað. So okkurt bendir á, at privatar lønir eru betur vardar enn almennar, men tað kann skyldast, at fakfeløgini á privata arbeiðsmarknaðinum eru sterkari, ella at arbeiðsgevarin á almenna arbeiðsmarknaðinum er sterkari (sum hann nokk er, tí hann hevur eitt løgting í rygginum sum kann finna uppá mangt slíkt).
Sjúrður Ejdesgaard
Als ikki, men haldi í tykkara útleggum er manglandi, tit takað bara nøkur fá búðskaparpettir og her er fx tað almenna "no go area"
Flóvin Eidesgaard
Fordómar! Hevur tú yvirhøvur lisið tað sum Eyðun skrivar?
Sjúrður Ejdesgaard
Er tað ein fordómur at tú fx ikki tekur fatt í tað búðskaparliga við at opnað tað almenna fyri kapping???
Sjúrður Ejdesgaard
Fer lønin niður tá ið man fer 0,5% upp????
Eyðun Jakobsen
Ja hatta ljóðar nokkso rangvørt, men tá hini fáa 2% meira, so er 0,5% at fara lutfalsliga niður í løn.
Flóvin Eidesgaard
Sjúrður, tað sum er ein fordómur (ella kanska heldur ein fri fantasi frá tínari síðu) er at eg eri ímóti effektiviseringum í almenna sektorinum. Og viðhvørt er kapping rætti mátin at fremja tað uppá, viðhvørt vil kapping ikki virka ella virka øvugt av endamálinum. (Eg haldi hetta er sera áhugaverdur spurningur, og er faktiskt nakað av tí eg gjørdi mest við á yvirbygninginum á mínum búskaparlestri.) Tað krevur eina nærri analysu, hvussu man kann skipa kapping, og nær kapping er meiningsleys, tí tað vil gera tænasturnar dýrari og verri (tað kann sagtans henda).
Sjúrður Ejdesgaard
Um góðskunormar vera settir, hvussu kann ein slík kapping tá virka øvugt - er tað tá ið bara ein spurningur um at opna marknaðin nokk so at eftirspurningurin verður stórur?
Er tað nakað til hindurs fyri at fx Hagstovan verður seld á uppboðið (útliciter)
Flóvin Eidesgaard
Ja, tú heldur tað er so einfalt. Ella letur sum um. :)
Eyðun Jakobsen
Trupuleikin við at selja Hagstovuna á uppboðið er at onkur má greina vøruna. Tað má so blíva onkur almennur stovnur sum selir uppgávur á uppboðið, og so hava vit aftur ein almennan stovn. Tí er bara ein vegur, og tað er at lata Hagstovuna aftur og tað almenna heldur fingrarnar vekk.
Flóvin Eidesgaard
Nei nei nei, Eyðun. Tað er ikki neyðugt við einum almennum stovni. "Man" skal bara seta góðskunormar.
Eyðun Jakobsen
Ongin er fullkomin, men aftur til makrelin og hví hann skal latast til nøkur útvald
Sjúrður Ejdesgaard
Er tað ein trupuleiki at greina vøruna? er tað ikki bara ein uppgáva?
Sjúrður Ejdesgaard
Ja og eg kann passandi spyrja, hví skal HO sita sum stjóri á Hagstovuni - hví verður ein slíkur postur ikki bjóðaður út av og til
Eyðun Jakobsen
Allir trupuleikarnir verða loystir um man niðurleggur Hagstovuna og tað almenna annars.
Sjúrður Ejdesgaard
Hugsi at HO hevur júst sagt tað mótsatta - hann hevur brúk fyri meira pengum til at skapa betur hagtøl :))) - løgi, at hann ikki her brúkar sínar búðskaparligu teoriir um sunna kapping.
Hann kundi sum búðskaparfrøðingur ístaðin sagt, at vit hava brúk fyri kapping so at vit fáa tað vit hava brúk fyri sama ella minni kostnað - men hví vera ein dugnaligur búðskaparfrøðingur tá ið man kann sleppa við at vera ein tómur kommunist, ið fýrur lorta í vardum starvið við lønarstuðli frá landinum.
Flóvin Eidesgaard
Tíbetur er HO betri økonom enn tú. Tað er júst tí fólk flest (sum jú ikki hava skilt økonomi) hugsa uppá handan mátan, at brúk er fyri fólki sum hava skil fyri økonomi. Og tú behøvist ikki brúka politisk spjaldur.
Sjúrður Ejdesgaard
Hvar bleiv tað sunna í kapping av Flóvin?
Ein búðskaparfrøðingur skrivaði fyri ikki so langari tíð síðan, at tað í teoriini hevði veri best um vit kundu fiska uttan fiskiskip, tey eru bara ein útreiðsla - rokni við at tað er eisini galdandi við produktinum frá Hagstovuni, um vit fingu tað uttan at gjalda fyri Hagstovuna so hevði tað veri betur fyri búðskapin!
Sjúrður Ejdesgaard
Hví er tað búðskaparliga rætt, at hava Hagstovuna koyrandi uttan kapping?
Flóvin Eidesgaard
Eg haldi tú roynir troyttingar-strategiina: At spyrja upp í saman.
Sjúrður Ejdesgaard
Als ikki, tú klárar bara ikki at svara Flóvin
Eyðun Jakobsen
Hví tað er búskaparliga rætt at skipa seg við einum vælvirkandi almannasektori er tí at tað er tann mest kappingarføri mátin at reka partar av samfelagnum uppá. Tó skal tað til einaoghvørja tíð metast um kappingarføri og tað verður gjørt. Eitt nú er kjak í løtuni um peningastovnarnir eru nóg dugnaligir at veita fíggjartænastur ella um tað var betur at almennur stovnur skipaði tænasturnar. Hinvegin er eisini stríð um at sleppa at skipa frálæru í sjótrygd har privatir meina seg kunna gera tað betur. Eitt nú er sakførarayrki skipað á privata marknaðinum men undir lógareftirlitið og sjálvt um TAKS heldur at tað er øgiliga kostnaðarmikið at keypa sakførara, so hevur tað ikki yvirhøvur verið umhugsa at lata tað almenna yvirtaka sakføraratænastur. Eisini innan landmáting sær út til at privatir yvirtaka vegna betri kappingarføri, men tá tað kemur til at viðlíkahalda bátahyljar í Vági verður kravt at tað almenna átekur sær uppgávuna o.s.fr.
Sjúrður Ejdesgaard
Hvussu ofta hevur fx Hagstovan verið mett um hennara kappingarføri.
Eyðun Jakobsen
Rættiliga ofta, eitt nú í samband við lønarhagtøl, ferðavinnuhagtøl o.l. vendir tummilin niðureftir tí tað er ov dýrt. Hinvegin, hvussu er kappingarføri tá man skal luta burtur makrel?
Sjúrður Ejdesgaard
Er nakað kappingarføri - tað sum hevur verið kapping hevur jú ikki veri á einum støði har tað hevur veri javnbjóðiskapping - føroyingar skulu fyrihalda seg til sáttmálar og aðrir brúka smábørn til arbeiðið fyri onga løn - skipið fór úr føroykum sjógvið og bleiv afturhildi í Las Palsmas grundað á hetta. Alt við stórum vælsignilsi frá okkara búðskaparfrøðingum
Flóvin Eidesgaard
Sjúrður, tað er ræðuliga møðsamt, og eg haldi eg havi verið meira tolin enn tín destruktivi kjakatburðir hevur uppiborið. Eg siti veruliga við eini kenslu av at tú spælir býttur við vilja. Men kanska skyldast alt, at eg ikki havi nóg góð pedagogisk evni.
Eg havi ikki sagt, at tað er búskaparliga rætt, at Hagstovan ikki skal hava kapping. So hvussu skal eg svara uppá, HVÍ tað er rætt? Er tað rætt?
Flóvin Eidesgaard
Og viðv arbeiðsmegi á Lafayette. Man behøvist ikki at vera búskaparfrøðingur fyri at vera ímóti at loyva barnaarbeiði í føroyskum øki. Man kann sågar seta treytir til tey sum útflyta, at tey skulu tryggja sær at keypararnir - um teir so eru í Kina - ikki brúka barnaarbeiðsmegi. Man kann seta treytir til tey sum sleppa at gagnnýta føroyskt fiskatilfeingi, fólksins ogn. Tað er ein av mongum spurningum, man skal taka støðu til, tá man umsitir fiskivinnuna. Um makrelkvotur skulu latast ókeypis ella fyri fast gjald ella seljast á uppboðssølu er ein spurningur. Treytir til hvør sleppur at fiska føroyskan makrel er ein annar spurningur. Báðar spurningar skal man taka støðu til, og tað hongur ikki saman. Tað er ikki so, at ókeypis makrelkvota til føroysk skip við treyt at makrelurin skal um føroyskan keikant pr automatik merkir at ongi børn arbeiða makrel, tí vit vita ikki, hvar hann verður seldur aftaná at hava verið um keikantin. Og at makrelkvotan verður seld á uppboðssølu merkir ikki, at børn við vissu koma at arbeiða makrel. Í báðum førum er spurningur um hvørjar treytir man setir og hvat eftirlit man hevur við um treytirnar eru fylgdar. Og tískil kann man saktans siga, at uppboðssøla av makrelkvotu í fjør var ein kempisucces, hóast nøkur viðurskifti í vinnuni vóru, sum man vil sleppa undan eina aðra ferð. Føroyingar innflyta nógvar bíligar vørur, sum eru framleiddar við barnaarbeiðsmegi. Man kundi eisini her sett krav fram um, at tað skuldi verið framleitt av føroyskari arbeiðsmegi, so hevði í mesta lagi rávørur verið innfluttar. Tað hevði forrestin givið arbeiðspláss. Men Føroyar høvdu blivið fátækari. Tað er akkra sama galdandi í útflutningsvinnuni sum innflutningsvinnuni: At lóggeva at onkur framleiðslu í Føroyum, hóast man fær meira burturúr at lata útlendiingar framleiða, er at gera landið fátækari, so man skal ikki gera tað av økonomiskum orsøkum. Av onkrari orsøk er torført at fáa fólk at skilja hetta, tá tað snýr seg um útflutningsvinnu, men ikki tá talan er um innflutningsvinnu.
Sjúrður Ejdesgaard
Ja tað er sanniliga destruktivur kjakatburður, at vísa á, at eg sakni sannað mótvekt í kjakið frá Flóvanum m.m. - boðskapurin er so tunnur og monotonur og sera politiskur, og júst hetta undirgrevur teirra trúðvirðið og objektivitet innan búðskaparboðskapin sum heild.
Makrelmálið verður krema við marknaðarmekanismu - útboð og eftirspurningur og alt annað er undirordna - vit skulu loyvar marknaðarkreftunum at ráða, hetta verður tað sum kemur at tryggja rætta prísin, og jú meira vit opna fyri kapping jú størri verður successin, vit síggja mia. við himmalvendum eygum - by-passa alt og verda tað blinda eyga til strámannavirksemið, altjóða viðtøkur um verdn at børnum v.m. so fáa vit sanniliga nógv fyri okkara tilfeingið. Tað verður nevnt sum "kempisuccess" at leggja navn til, at børn vera brúkt sum arbeiðsmegi í føroyskum sjóøkið, hetta rættvísgerð Flóvin við at siga, at um børn ikki sleppa at arbeiða hann her verður hann bara arbeiðddur í Kina av m.a. børnum - enn ein svervektri frá Flóvanum, tó uttan teorihenvísningi.
Tosa við hinvegin um at opna tað almenna fyri kapping, sooooooo søkka marknaðarmekanismuargumentini í dýpið við eitt - tá vendur alt á høvdið og Flóvin far eina dimensión sum reiðari á almennu skútuni Føroyar - tað vera atlit hist og her sum mugu takast. Hann hevur kannað hetta í sínum yvirbygnaði og har var einki at heinta, heldur hinvegin. Viðmerkjast skal, at hetta byggjur á nakað hjá Flóvanum, so kunnu vit meta um dygdina :))))
Hagstovan er sanniliga eitt tilfeingið tilluttað nøkrum útvaldum. Bjóða vit Hagstovuna út til líka opna kapping sum makrelurin í 2010, so verður eftirspurningurin stórur og harvið fer rakstrarkostnaðurin nógv niður og landið verður vinnarin.
Avbjóðingin við málinum er eingin trupuleiki, ella lat okkum bara siga, at vit simplificera modelli, so mál ikki er partur av ti :)))
Flóvin Eidesgaard
Sjúrður, tú kann beskylda meg fyri alt tú ynskir. Tú skilir møguliga ikki búskaparfrøðina í hesum, og tí blívur tað bara ideologiskt kríggj í tínum eygum og tínum høvdi. Sjálvsagt havi eg eisini eina ideologi innast inni, men búskaparliga er spurningurin um makrelkvotuna rættiliga banalt, so ideologi fær ikki so stóra rúmd. Tað ideologiska sleppur framat í tí retoriska, men ikki í grundleggjandi argumentatiónini.
Tú ignorerar tað eg sigi, sum gongur tær á møti, og tú tykist tí vilja hava ideologiskt skotgravakríggj, fyri at tú kann sleppa at halda fram við at beskylda meg fyri at halda við almenna sektorinum ímóti tí privata vinnulívinum.
Eg havi skrivað nógv positivt um útlicitering og privatisering, eisini í hesum tráðnum. At eg havi gjørt nógv við tað á útbúgvingini var fyri at vísa á, at eg havi áhuga fyri tí, tað var ikki meiningin at brúka tað sum autoritets-agument á nakran hátt.
Tað er sum áður nevnt frí fantasi frá tíni síðu, at eg eri ímóti at privatisera almennar tænastur og funktiónir. Eg havi sagt tað fyrr, men tú blívur við at pástanda tað. Hví skal eg tíma at taka teg í álvara? Tú virkar ikki sum tú vil koma víðari í kjakinum. Kanska er tú bangin fyri at koma út skotgrøvini, tí so síggja øll, at tú er spillnakin.
Ingen kommentarer:
Send en kommentar