Ójavnt er býtt - ójavnt skal býtast

Løgtingið hevur í dag við aðru viðgerð samtykt uppskotið hjá Karsten Hansen um broyting í heilsutrygdargjaldinum. Tað inniber, at láginntøkur skulu rinda minni enn frammanundan og háinntøkur meira enn frammanundan.

Andstøðan hevði annars eitt broytingaruppskot. Sambært uppskotinum hjá andstøðuni skuldu eitt hámark setast á heilsutrygdargjaldið. Hetta hevði við sær, at tey ríkastu skuldu sleppa bíligari. Tey sum forvinna 100 000 kr um mánaðin, t.e. 1.2 miljónir um árið, skuldu, um andstøðan fekk sín vilja, einans rinda 3180 kr árliga í Heilsutrygdargjaldi, í staðin fyri 8520 kr, sum samgongan mælir til.

Rokningin fyri skattalættan til háinntøkur (2)

Sofus Debes Johannesen á facebook:

Havi roknað eitt sindur uppá lættan, sum "flatskatturin" gevur, nú Heilsutrygdargjaldið kemur inn aftur, og øll, sum fortjena undir 650.000 kr., skulu gjalda meira til ALS. Nú hava øll, sum fortjena upp til og við 260.00 kr. minni eftir, meðan tey, ið fortjena 270.000 hava heilar 245 kr. eftir um árið! Toppskorðarin er framvegis tann, ið fortjenar 1.200.000 kr. um árið, men nú hevur hesin "bert" 79.089 kr. meira eftir um árið, eftir at Heilsutrygdargjaldið er goldið. Tey, ið fortjena meira enn 650.000 kr., gjalda ikki meira til ALS, hóast hækkaða gjaldið til øll onnur, meðan tey, ið fáa útgoldið frá ALS, koma at fáa minni. Til lukku Kaj Leo & Co.!